Дете ја пријавило мајка си во полиција бидејќи одгледувала марихуана!
Тинејџер во Германија ја пријавил мајка си затоа што одгледувала марихуана во домот, меѓутоа наместо полицајците да ја уапсат мајката, тие морале да го заштитат момчето од мајката која била многу лута на него.
Полицијата денеска соопшти дека 15-годишникот ги повикал вчеравечер властите откако преку интернет утврдил дека билките што ги одгледувала неговата мајка се марихуана. Полицајците во нивната куќа во гратчето Санкт Леон Рот, околу 100 километри јужно од Франкфурт, нашле 19 билки високи и еден и пол метар.
Против мајката на момчето е покрената истрага, а таа била толку лута на својот син што полицијата морала од претпазливост да го однесе момчето во дом за млади каде што ќе мора да остане некое врме.
