Со правилна исхрана може да ја победите главоболката, поготово ако сте од оние кои ја имаат често, а при тоа и таблетите за болка ви се секогаш при рака.
Еден од начините да ги ублажите симптомите е да го смените начинот на исхрана. Иако постојат намирници кои поттикнуваат мигрена, постојат и такви кои ќе ви помогнат да ја спречите.
Авокадо
Авокадото е полно со хранливи материи. Богато е со антиоксиданти како што се лутеин и зеаксантин.
Не само што може да ја спречи мигрената, туку и ја смирува на подолго време.
Смокви
Смоквите се добри за нашето тело. Тие го содржат минералот калиум кој ја ублажува главоболката.
Лосос
Лососот е полн со омега 3 масни киселини и витамин Б2 кој спречува таложење на тромбоцити, процес кој е одговорен за чести главоболки.
Исто така, лососот го намалува воспалението и помага во борба против мигрената.
Морков, краставица, целер
Дехидратацијата е една од главните причини за главоболка, затоа обрнете внимание на количината на вода која ја внесувате во организмот. Овие намирници се богати со вода, а достапни се во секоја сезона.
Јогурт
Рибофлавин е дел од витамин Б, а јогуртот изобилува со него.
Сок од лимон
Лимонот е богат со витамин Ц, а за неговите лековити дејства се знае уште одамна, но треба да имате предвид дека сокот од лимон помага и во борбата против мигрена.
Паста од цимет
Овој природен лек може да го направите дома. Земете неколку стапчиња цимет, смелете ги во прав, или поедноставно земете цимет во прав. Додајте вода и направете густа паста. Пастата нанесете ја на слепоочницата и на челото. Измијте после 25-30 минути. Оваа паста ја намалува болката на природен начин.
