Болката во долниот дел од грбот е честа и се случува приближно кај еден од осум луѓе. Добрата вест е дека 80 до 90 проценти од болката во долниот дел на грбот е безопасна и брзо минува.
„Грбот може да ве боли неколку дена или една недела, но општо непријатноста брзо минува и може да продолжите со животот“, вели хирургот ортопед Нил Ананд.
Но, кога болката ќе стане постојана и невозможна, треба да се посети доктор.
Еве за кои четири вида на болки станува збор:
1. Болка во долниот дел со губење на контролата на мочниот меур
Доколку имате болка во грбот во комбинација со неможност за регулирање на движењето на бешиката или цревата, тоа е знак дека треба да побарате стручна помош.
2. Болка во грбот со грозница
Ако откриете дека болката во грбот се јавува заедно со грозница тоа може да биде знак на нешто сериозно како некоја инфекција, предупредува хирургот Дејвид Андерсон.
3. Болка во грбот со болки во нозете
Болката која може да се јави на било кој дел од телото од задницата до ногата, заедно со чувство на вкочанетост, пецкање или слабост во нозете е уште еден знак дека нерв или повеќе нерви се вклештени. Ова може да биде предизвикано од оштета на коските или хернија на дискот.
4. Болка во горниот дел од грбот со непријатност во вратот
Многу луѓе кои чувствуваат болка во горниот дел од грбот сметаат дека таа болка потекнува од грбот, но всушност доаѓа од вратот. Доколку осетите болка во грбот поврзана со трнење или слабост во рацете или ако забележите дека чекорите несигурно или имате промени во одењето, тоа е знак дека можеби се случува нешто во ‘рбетниот мозок и дека треба што побрзо да посетите доктор.