5 намирници кои го забрзуваат метаболизмот
Често го користиме зборот „метаболизам“ за да ја опишеме стапката со која телото согорува калории.
Ова значи брзина со која телото ја претвора храната во енергија, односно калории, а потоа ја користи енергијата за извршување на основните и секундарните дневни функции.
Телото никогаш не „спие“, без оглед дали се движите или одмарате, бидејќи на телото му треба енергија дури и кога спиете. Значи, не треба да пропуштате оброци. Колку подолги се интервалите помеѓу оброците, толку е побавен метаболизмот.
Која храна го забрзува метаболизмот?
Важно е да се избегнува преработена храна, особено пржена, полна со нездрави масти, како и слатки. Јаглехидратите не треба да се избегнуваат, особено оние со низок гликемиски индекс, како што се јаболка и леблебија.
1. Јајца
Тие содржат есенцијални аминокиселини кои ги прават совршен протеин. Појадок богат со протеини, како што се јајца, го зголемува чувството на ситост и го забрзува метаболизмот за 10 проценти.
2. Зелен чај
Докажано е дека зелениот чај помага во слабеењето со забрзување на метаболизмот, инхибиција на апсорпција на маснотии и помага при регулирање на гликозата. Ова не е поради кофеинот што го содржи, туку поради високата концентрација на природни антиоксиданти.
3. Авокадо
Ова кремасто овошје со неутрален вкус стана доста популарно. Авокадото е богато со растителни влакна и мононезаситени масти кои се здрави за срцето. Дополнителна придобивка е што масните киселини содржани во авокадото го активираат метаболизмот.
4. Ореви
Оревите се одлични ако сакате да исчезнат масните наслаги од стомакот. Неколку ореви или бадеми ќе ве заситат и ќе ве наполнат со енергија истовремено. Можете да ги комбинирате со јогурт и да додадете малку цимет.
5. Краставица
Краставиците се феноменални согорувачи на маснотии. Семето не само што содржи стимулативни својства, што може да го забрза метаболизмот, туку содржи и сулфур и силициум диоксид, а и двете супстанции можат да помогнат во процесот на согорување на природните маснотии во организмот..
извор:lokalno.mk