Иако се родени како први бебиња во Новата година во нивните општини за подарок од градоначалниците добиваат различна сума пари. Според податоците од официјалните веб страници на локалните самоуправи најмногу пари на првородените деца во годината им се даваат во Скопје и Струмица по 20.000 денари на штедна книшка, во Прилеп 15.000, Велес 12.000, а во Битола, Охрид и Штип градските татковци поклонуваат по 10.000 денари. Ваква традиција нема во Гостивар, ниту во некои помали градови каде впрочем нема и родилишта.