Застрашувачки бројки: Четири Македонки дневно со дијагностициран рак на дојка!

147

Четири жени дневно се дијагностицираат со рак на дојка во Македонија. Само минатата година откриени се 1.200 нови случаи со овој тип на карцином.

Македонија е една од ретките земји во Европа каде што смртноста од канцер се зголемила за дури 9 отсто во последниве 15 години. Симболична розова прошетка во организација на здружението „Борка“ ќе се одржи во недела во Скопје.

Целта на настанот е да се даде поддршка за болните од рак и нивните семејства. На плоштадот ќе бидат поставени штандови од каде ќе можат да се купат розови маички, а со средствата собрани од продажбата ќе бидат купени перики кои ќе бидат донирани на жените кои ја изгубиле косата како последица од хемотерапија.

– Со кампањата сакаме да ја подигнеме свесноста меѓу жените со метастатски, напреден стадиум на рак на дојка, кој може да се излекува доколку е откриен навреме. Сакаме да ги поттикнеме жените кои живеат со рак на дојка да имаат продуктивен и квалитетен живот и да се стремиме да се намали инциденцата на напредната болест преку подобрување на услугите за поддршка, рече Додева.

Таа нагласи дека од продажбата на секое од 30-илјадите пакувања чоколадни бонбони „Аталантис“ во кои се вметнати информативни флаери на македонски и албански јазик, 10 денари ќе бидат одвоени за активностите на Здружението.

Коментари

коментари

Напиши одговор

Вашата email адреса нема да биде објавена.