Шест лица затруени со храна во ресторан во Драчево – Двајца задржани на лекување на Инфективна

515

Шест лица со симптоми на труење од храна во викендот побарале помош на Клиниката за инфективни болести. Двајца од нив биле задржани на понатамошно лекување. Сите во петокот попладне јаделе специјалитет со пилешко и мајонез во ресторан во Драчево. Од Инфективна ги информирале надлежните инспекциски служби за поврзаните случаи. Државниот санитарен и здравствен инспекторат со Агенцијата за храна биле на терен и во саботата извршиле вонреден надзор и го затвориле објектот во населбата, со цел, како што стои во нивното соопштение, да спречат појава на нови затруени.  Земале брисеви од работни површини и од вработени како и примероци од храна кои треба да покажат која е причината за труењето. Инспекторите констатирале дека во ресторанот општата хигиена била задоволителна, но не смеат да работат се додека не биде направена целосна дезинфекција и темелно чистење на просторот и опремата.

Во информацијата на ДСЗИ е наведено дека е поставена лента -„Затворено од Државен санитарен и здравствен инспекторат“.

Кога побаравме дополнително објаснување од инспекторите, не известија дека објектот е затворен но вработените денеска го чистеле ресторанот.

Коментари

коментари

Напиши одговор

Вашата email адреса нема да биде објавена.