Пуштена новата Интензивна нега на Детска клиника

Реновираниот оддел за интензивна нега и терапија при Клиниката за детски болести денеска е пуштен во употреба, информира Министерството за здравство.

„Одделот за интензивна нега ќе работи со истиот капацитет како и досега, со можност да се зголеми со нови вработувања на медицински персонал, со што ќе се испочитуваат високите стандарди на згрижување на најтешко болните деца, со што ќе се гарантира безбедност на пациентите“, се наведува во соопштението на Министерство за здравство.