Поликлиниката Букурешт повторно во функција на пациентите, дефектот саниран!
Здравствениот дом Скопје ги извести граѓаните и пациентите дека дефектот на трафостаницата, односно нисконапонскиот кабел кој ја поврзува поликлиника Букурешт е саниран во најкраток можен рок, па објектот на поликлиниката има непречено снабдување со електрична енергија.
„Закажаните прегледи преку Мој термин продолжуваат редовно да се реализираат. Брзата помош функционира без никакви проблеми, вакцините, инсулините и лабораториските реагенси се повторно на безбедно вратени во ладилниците во поликлиниката Букурешт. Вакцинацијата, снабдувањето со инсулини, лабораториските испитувања и комисиската оцената на боледувањата ќе се одвиваат непречено“, вели директорот на здравствениот дом Злате Мехмедовиќ.