Оваа есен слабејте со зелка и банана!
Оваа диета е дизајнирана токму за студените денови и содржи сезонски намирници кои се погодни за „топење“ на килограмите. Главни намирници во оваа диета се киселата зелка, бананата и пилешките гради.
Броењето на калории е задолжително, бидејќи во текот на оваа диета не смее да се надмине внесот од 1.000 килокалории дневно.
И киселата зелка и бананите содржат сложени јагленохидрати. На ваквите оброци може да додадете пилешки гради.
–
1 банана (просечна величина) содржи 100 калории.
Киселата зелка во 100 грама содржи 22 калории.
Печените пилешки гради во 100 грама содржат 165 калории.
Значи, ако изедете три банани дневно (300 калории), половина килограм кисела зелка (110 калории) и на тоа додадете 150 грама печени пилешки гради (250 калории) веќе имате дизајнирана диета за минимални 660 калории дневно.
Продолжите да броите до 1.000 калории дневно, и одберете кои намирници ќе ги додадете во вашата диета од следните:
Брокули – 100 грама содржат 20 калории
Леќа – 100 грама содржи 70 калории
Немасно сирење – 100 грама содржи 80 калории
Јогурт (немасен) – 90 калории во 1 чаша
Јаболка (со средна големина) – 65 калории
Омлет од 2 јајца – 150 калории
Сите овие намирници се достапни на пазарот во текот на студените денови. Комбинирајте ги по ваш вкус и според вашите потреби за појадок, ручек, вечара и меѓуоброци.
Подготовка на намирниците
Леќата и брокулите треба да бидат варени и без дополнителни маснотии. Не премногу солени, но може да додадете 1 лажичка маслиново масло и зачини по желба (црн пипер, чили, магдонос, нане).
Пилешките гради можат да бидат варени или печени, но не и пржени.
Омлетот подготвувајте го без маснотии, на тефлон тава.
По потреба, додадете 20 грама кикиритки
Внимавајте, кикиритките имаат дури 650 калории во 100 грама, оттука се дозволени како меѓуоброк само 20 грама кикиритки за време на диетата, кога ќе почувствувате глад. Несолените излупени кикиритки одлично го елиминираат чувството на глад.
Апстиненција од сокови и алкохол
За време на диетата се дозволени само зелен или природен чај (без шеќер) и кафе без шеќер. Сите останати сокови, дури и природно цедените, не се дозволени. И заборавете на алкохолот!
Доколку се држите до овој диетен режим две недели, ќе загубите 5 килограми. Добро е ако диетата ја држите во периодот пред новогодишните празници, за да не паднете во искушение предвреме да ја прекратите.