Месечно на десет лица во Македонија им се дијагностицира дијабет!

374

Едно до две деца месечно и десетина возрасни завршуваат со дијабет. Во земјата има околу 200 000 лица со шеќерна болест или 10 проценти од популацијата. Стресот, начинот на живот, исхраната и генетскиот фактор се главните виновници за оваа алармантна состојба. А како што постојаното расте бројот на дијабетичари, така се зголемуваат и нивните проблеми со недостаток на инсулин и сомневање во квалитетот на терапијата.

-Имаме постојано лица кои имаат нус појави од терапијата, а дали е тоа од лош квалитет на инсулинот или неедуцираност на лицата за следење на сотојбата оставаме за тоа да оценат лекарите, наше е да се сомневаме, велaт од Сојузот на дијабетичари.

И додека во октомври наводно поради транспорт доцнела пратка со инсулин, заменик министерот за здравство со ветување до дијабетичарите дека во иднина нема да имаат проблеми и ќе добивале квалитетна терапија. Но не даде прецизен одговор дали досега во земјава е користен неквалитетен инсулин.

-По информации од медиуми, јавност, ние во лабораториите ќе провериме..не дека немало проблем и дека не се протнувало неквалитетен инсулин, но во иднина нема да има, вели Гоце Чакаровски, заменик министер за здравство.

Според статистичките податоци, околу 450 милиони луѓе во светот имаат дијабет.

Коментари

коментари

Напиши одговор

Вашата email адреса нема да биде објавена.