Ќе ги исчисти ли Таравари Клиниките?

443

Денеска се чистеа пристапните патишта и просторот во кругот на комплексот клиники „Мајка Тереза“. Според министерот Арбен Таравари, вакви акции за уредување на заедничкиот простор е предвидено да се организираат неколку пати во текот на годината.

-Направивме анализа за тоа кои се најголеми жалби на пациентите во Клиничкиот центар и во болниците. Апсолутно на прво место беше хигиената. Затоа е и оваа прва акција. Вакви се надевам и други методи што ќе ги користи Министерството во иднина за да се одржи хигиената и надвор и внатре во клиниките, бидејќи тоа е сериозен проблем, изјави Таравари.

Таравари додаде дека во следниот период ќе се работи и на подобрување на хигиената во внатрешноста на болниците. Инспекциските контроли покажале дека нивото на хигиена е незадоволително во неколку здравствени објекти во државата за што веќе се подготвени казни за менаџерите и вработените.

– Веќе размислуваме за идејни решенија и како да го поправиме тоа. Можеби ќе ангажираме надворешни фирми, прво експериментално во две болници. Гостивар и Гинекологија ќе почне една фирма што бесплатно ќе работи и според тоа како ќе бидат задоволни пациентите и лекарите и дали интрахоспитални инфекции се намалени, потоа ќе одлучиме дали тоа ќе го спроведеме на уште неколку клиники каде можеме финансиски, изјави Таравари.

Коментари

коментари

Напиши одговор

Вашата email адреса нема да биде објавена.