Интернисти од ГОБ 8-ми септември ќе одат на привремена работа во струмичката болница!

535

Интернисти од Градската општа болница „8 Септември“’ од Скопје и државната клиника ќе доаѓаат во Струмица на работа по една недела, бидејки од струмичката болница во приватното здравство заминаа дури 4 специјалисти од оваа област. Во моментов, во струмичката болница која покрива регион со околу 100 илјади жители работат само 4 лекари специјалисти и неколку секунданти, кои ги покриваат потребите на интерното одделение но и амбулантското и кабинетско дијагностицирање по интерна медицина.

„Ќе доаѓаат специјалисти интернисти од Скопје по распоред за дежурства и мој термин. Станува збор за лекари од ‘8 Септември’ и државната клиника. Ќе остануваат по една недела за да ги покриеме потребите пред сè на мој термин по амбулантите и кабинетите. Граѓаните не треба да бидат загрижени дека нема да бидат прегледани, туку со доѓањето дополнителен кадар ќе се одговори на потребите”, вели директорот на струмичката болница Наќе Гогов, кој признава дека стиуацијата не е подобра и на останатите одделенија.

,,Тој недостаток од лекари специјалисти е грешка на претходното раководство на болницата, оти не се водело сметка за кои области има потреба од специјализации. Се работело стихијно и неплански и затоа сме дојдени во оваа ситуација’’, кажа Гогов и нагласи дека радиодијагностика работат само двајца специјалисти, проблем е невропсихијатрсикото но и други одделенија.

sdk.mk

Коментари

коментари

Напиши одговор

Вашата email адреса нема да биде објавена.