Филипче: Следна мерка ќе биде полициски час

Комисијата за заразни болести на Владата ќе ѝ предложи сите економски оператори да имаат крај на работното време во 23 часот односно, еден час пред полноќ сè ќе мора да биде затворено.

Покрај оваа мерка, Владата ќе предложи и 50 отсто намалување на капацитетите во јавниот превоз, како и задолжително носење маски на отворено.

Поради зголемувањето на бројот на новозаразени минатите недели, капацитетите во болниците во Струмица, Куманово, Штип и Прилеп се веќе исполнети, а отворено е уште едно крило во болницата во Битола. Забрзано се полнат кацитетите и во болницата во Гостивар.

„Ситуацијата е навистина сериозна, следен чекор би бил полициски час. Да смогнеме сили сите да го избегнеме сето ова“, порача Филипче.

За да се донесат новите мерки за заштита од Ковид-19, треба да се донесат законски измени, а тоа ќе почне утре.

Министерот за здравство Венко Филипче, смета дека измените би се донеле за неколку дена, со оглед на тоа што потребно е просто мнозинство од 61 пратеник да гласаат за измените. Потоа, Владата ќе може да носи мерки, кои нема да мора повторно да поминуваат на Собрание, појасни Филипче.

Тој рече дека, ако овие мерки не се почитуваат и не ги дадат посакуваните резултати, следна мерка е полициски час.

Коментари

коментари

Напиши одговор

Вашата email адреса нема да биде објавена.