Филипче: Ова се моите колеги кои неуморно работат на пунктовите за тестирање
Министерот за здравство, Венко Филипче вечерва на својот Фејсбук профил објави слики од докторите што работат на пунктовите за тестирање за коронавирус во државата и притоа им се заблагодари за работата, како и на граѓаните што ги почитуваат владините мерки.
„Ова се дел од моите колеги кои неуморно работат на пунктовите за тестирање. Од нив зависи јавното здравје, од нив зависат нашите животи. Одговарајте точно на прашањата на лекарите и епидемиолозите – со тоа го штитите вашето, но и нивното здравје.
Оваа борба зависи од секој од нас. Сега, како никогаш досега, треба да покажеме одговорност.
Им благодарам на сите колеги кои го вложуваат целиот труд.
Им благодарам на сите граѓани кои доследно ги почитуваат препораките и мерките.
Издржете, ќе ја пребродиме оваа криза и ќе излеземе посилни. #ЗаштитиСе“, напиша Филипче.