Филипче: Епидемиолошката состојба од ден во ден станува се посериозна

23

Министерот за здравство Венко Филипче на Фејсбук напиша дека утринава одржале состанок со Комисијата за заразни болести на кој се разгледувала епидемиолошката состојба која станува се посериозна.

„На утринскиот состанок со членовите на Комисијата за заразни болести и претседателката на Националниот комитет за имунизација проф. д-р Александра Грозданова, се разгледуваше епидемиолошката состојба која од ден во ден станува се посериозна. Менаџирањето на ситуацијата индицира сериозна потреба од одговорност од страна на граѓаните, особено од денеска кога на сила стапуваат новите мерки. Процесот на вакцинација се одвива непречено на сите пунктови низ државата и се надеваме дека овој тренд на зголемена заинтересираност и натаму ќе продолжи. Повикувам на максимално почитување на мерките, држење дистанца, редовно водење на лична хигиена и вклучување во процесот на имунизација. Вакцините штитат од тежок тек на болеста, од смртен исход и го отежнуваат неконтролираното ширење на вирусот“, напиша Филипче.

Коментари

коментари

Напиши одговор

Вашата email адреса нема да биде објавена.