Киселата зелка е многу ценета од страна на сите нутриционисти, но и козметичари. Таа има моќ да го подобри тенот, да ги чисти и отвори порите и да ги отстрани штетните радикали. Зелката не само што совршено ја избелува кожата, туку успешно ги отстранува и акните и темните дамки.
Маската од кисела зелка може да се подготви многу едноставно. Таа е универзална маска која ја освежува, ја храни и ја омекнува кожата. Само ставете дебел слој зелка на завој и држете ја 15-тина минути. Оваа постапка се препорачува да ја повторувате еднаш неделно. Доколку сакате да ја избелите кожата, помешајте сок од зелка со сок од лимон и околу 20 милилитри јогурт. Смесата има многу силно влијание на кожата, па затоа маската не би требало да ја држите подолго од 10 минути.
Киселата зелка совршено ја храни и ја смирува кожата. За оваа маска најдобро е да направите мешавина од кисела зелка, сирење и павлака. Нанесете ја смесата на лицето и по 15 минути измијте ја со топла вода. По отстранувањето, ставете на лицето облоги од ладен чај. Доколку имате сува кожа, најдобро е киселата зелка да ја помешате со жолчка од јајце. Оваа маска нанесувајте ја на лицето еднаш неделно.