Горните и долните заби треба да се допираат само кога се јаде. Но, секој втор човек повремено „шкрипи“ со забите, а секој петти тоа го прави редовно, велат стоматолозите.
Некои луѓе шкрипат со забите само во сон, што се нарекува бруксизам, а други несвесно го прават тоа и во текот на денот. Во секој случај, таквата навика прави притисок врз забите, многу поголем од џвакањето.
– Притисокот може да биде и до 600 килограми по квадратен инч, изјави Дитмар Естерајх, потпретседател на Здружението на германски стоматолози (БЗАЕК).
Шкрипењето е штетно за забите, затоа што може да ги затупи секачите, очниците, катниците и претканиците.
– Со тоа се губи глеѓта на забите и тие ја губат изворната форма, вели Естерајх.
Според него, во таков случај забите ќе почнат да реагираат на студено и топло, делови од нив можат да се скршат, а пломбите да паднат.