Масни е долгоопашест макаки мајмун кој е вистинска атракција во Бангкок. Но, тој е и вистински зависник од брзата храна, па наскоро ќе мора да биде ставен на строг режим на исхрана и физички активности.
Масни е миленик на туристите, па често ужива во остатоците од нивната храна: шејкови, слатка пченка и тропско овошје. Но, тој се „здебели“, па сега, поттикнат од самите фанови, тој мора да трча.
– Се здебели, оти јадеше се што му доаѓаше при рака. Не е болен, но му треба наша помош. Тој сака да јаде, а таму каде има многу туристи, на кои им е миленик, го хранат уште повеќе, рече еден локален туристички водич.