Францускиот Институт за вселенска медицина и физиологија во Тулуз (МЕДЕС) е во потрага по доброволци, мажи, кои би минале 60 дена в кревет не правејќи ништо освен своите физиолошки потреби, и за таа „задача” би добиле 16.000 евра.
Условите за кандидатите се едноставни: да бидат на возраст помеѓу 24 и 45 години, непушачи, да имаат индекс на телесна маса (БМИ) помеѓу 22 и 27, и да немаат алергии.
Во научниот експеримент на МЕДЕС, којшто се занимава со ефектите на микрогравитацијата врз телото на астронаутите, има места за 24 мажи. Од нив се очекува само да јадат, пијат, да се капат и да ги обавуваат своите физиолошки потреби во креветот.
По експериментот, учесниците уште две недели ќе престојуваат во Институтот, заради програмата за опоравување, каде ќе бидат подложени на серија дополнителни тестови кои би требало да посочат на евентуални негативни ефекти од бестежинската положба на човековото тело.