Постојат два вида јаглехидрати, а разликата меѓу нив е клучна да ја знаете
Во клетката, јаглехидратите се јавуваат како главен извор на енергија, а претставуваат и важен градбен материјал на клеточните структури и лесно можат да се складираат како резервни материи.
Постојат едноставни (прости) и сложени јаглехидрати, а разликата меѓу нив е клучна за разбирање на прехранбените навики.
Едноставни јаглехидрати
Едноставни јаглехидрати се брз извор на енергија. Тие се состојат од пократки молекуларни синџири и полесно се варат во споредба со сложените јаглехидрати. Нивното јадењето резултира со ненадејни скокови на нивото на шеќер во крвта, што е корисно кога некое лице итно има пореба од енергија.
Едноставни јаглехидрати често се наоѓаат во преработена храна и додаден шеќер. Голем број научни студии покажаа дека конзумирањето на овие јадења, како и засладените пијалоци, можат да придонесат за развој на разни здравствени проблеми.
Бидејќи овие соединенија брзо се апсорбираат, секој вишок шеќер се претвора во маснотии и се чува за подоцнежна употреба. Ако овие складирани масти не се користат, тие се акумулираат и придонесуваат за зголемување на телесната тежина. Ова може да доведе до голем број на здравствени проблеми, вклучувајќи остеоартритис и мозочен удар.
Сепак, постојат поздрави извори на едноставни јаглени хидрати што можете да ги јадете.Тоа се одредени видови на овошје и зеленчук, како и некои житни култури.
Сложени јаглехидрати
Во споредба со едноставните јаглени хидрати, сложените јаглени хидрати имаат подолги ланци на молекули. Ова значи дека им треба подолго време да се сварат и му помагаат на лицето да се чувствува посит подолго време. Поради оваа причина, тие се идеална храна за оние луѓе кои се грижат за нивната тежина и кои се обидуваат да го намалат внесот на јаглени хидрати.
Како и едноставни јаглени хидрати, постојат и здрави и нездрави извори на сложени јаглехидрати. При изборот на јадење, придржувајте се до нерафинирана храна, а тоа е:
– интегрални житарки (на пр. кафеав ориз, овес)
– скробен зеленчук (компир, пченка)
– мешунки (леќа, леблебија, грав);
– храна слична на житни култури (киноа)
– зеленчук без скроб (тиквички, шпаргла)